Reverendis in Christo patribus ac dnis. dno. Cholomanno preposito, Bartholomeo decano ceterisque canonicis presentibus et futuris Ecclesie Niwenburgensis ord. s. August. Patav. dioc. fr. Gwilhelmus humel, prior majoris domus Carthus. ceterique diffinitores capituli generalis salutem in domino et divine consolacionis ac gracie continuum percipere incrementum. Religiose pietatis intencio observare inviolabiliter conswevit de inpensis sibi beneficiis non oblivisci, sed pro ministratoribus beneficiorum ad orandum propensius excitari. Hinc est, quod exigente vestre dileccionis affectu, quem ad ordinem nostrum, et specialiter ad domum vallis omnium sanctorum in Mawrbach habere noscimini, prout ex relacione fratris nostri in Christo dilectissimi, dni. Heinrici prioris dicte domus didicirnus, vicissitudinem quam possumus vestre devocioni rependentes, ad preces dicti prioris vobis tenore presencium concedimus de domini bonitate in vita pariter et in morte participacionem omnium bonorum spiritualium, que in toto ordine nostro per nos et posteros nostros operari dignabitur clemencia salvatoris, adiicientes, vt cum dies obitus vestri fuerit intimata, faciemus pro vobis‚ quod pro nostris specialiter dilectis in ordine fieri est conswetum. Insuper fraternitatem singularem, si quam cum fratribus dicte domus omnium sanctorum habere volueritis, ipsis fratribus licenciam liberam presentibus indulgemus. Datum cum appensione sigilli domus Carthusie anno Dni. millmo. CCC°. LXXX. sedente Capitulo generali.

Source Fulltext: ZEIBIG, Klosterneuburg (=FRA II/28, Wien 1868) S. 12-13