Wir Meinhart Phalczgraf ze kernden, Graf ze Gorcz vnd ze Tyrol etc. Vogt der Gocsheuser ze Agley, ze Trynde vnd ze Brichsen Bechennen mit dem offen brief fur vns vnd all vnser Erben, vnd tun kunt allen den, die den brief sehent, horent oder lesent, daz wir dem Erbern Rainharten dem Wehinger vnd seinen Erben, Su^enn vnd To^echtern am Czehenten, gelegen ze Aczenprukk, den er chauft hat von Weicharten dem Stain, den er vor von vns ze lehen gehabt hat, ze rechtem lehn verlihen haben, waz wir daran ze recht leihen sulln vnd mugen, besucht vnd vnbesucht, vnd mit allen den rechten vnd dar zu gehort ze haben, nuczen vnd niezzen nach Landes vnd Lehens recht. Mit vrchund dicz briefs versigelt mit vnserm anhangendem Insigel. Geben ze Lu^encz am freytag nach vnser frawn tag der schidung - drewczehen hundert Jar dornach in dem achzichistem Jar.

Source Fulltext: ZEIBIG, Klosterneuburg (=FRA II/28, Wien 1868) S. 9