Wir Meinhard Phallenczgraff ze kernden, Graff ze Go^ercz vnd ze Tyrol, Vogt der Gotsheuser ze Aglay, ze Trienden vnd ze Brichsen. Bekennen - Das vns der Erber Erhart von Rust mit seinem versigelten brief aufgesant hat einen virtail zehentten, der gelegen ist ze Pierpawm auf dem Tulner feld, den er vnd sein Vetter Vlreich von vns ze lechen gehabt habent, vnd hat vns gepeten, das wir denselben virtail zehenten verleichen scholten dem Erbern Reinhartten dem Wéhinger, wann er den virtail zehenten von im kauft het - haben wir des Obgenanten Erharts fleyzzige Pett bekchant vnd auch sein aufgab angesehen vnd haben dem vorgenanten Reinharten dem Wehinger - den vorgenaanen vierteil zehenten verlichen ze rechtem lechen - Mit vrkund dicz brieffs versigelt mit vnserm anhangundem Insigl, der geben ist zu Traburgk an Sand Lucas tag - drewczehen hundert iar, darnach in dem Achczigistem Jare.

Source Fulltext: ZEIBIG, Klosterneuburg (=FRA II/28, Wien 1868) S. 9-10