Pileus divina miseracione tytuli sancte Praxedis presb. Cardinalis (wie in der Urkunde 509). Cum igitur dilectus nobis in Christo Cholomannus prepositus totusque Conventus Monasterii sancte Marie Can. Reg. ord. s. Aug. Newnburge Patav. dioc. ad idem suum Monasterium et ad dei beateque Marie semper virginis cultum prout accepimus specialem gerant devocionem (etc. wie in der Urkunde 509), Nos - omnibus vere penitentibus et confessis, qui ad dictum Monasterium in festivitatibus dni nri Jhesu cristi, videlicet nativitatis, resurreccionis, ascensionis,penthecostes, trinitatis et corporis Christi, ac singulis festis beate Marie virginis, sanctorum apostolorum et quatuor doctorum, nec non singulis festis patronorum et die dedicacionis ipsius omnibusque sabbatinis diebus devote convenerint, et antiphonis de beata Maria Virgine, quarum vna incipit: Speciosa facta es, que post completorium in choro ibidem cantatur, predictis festivitatibus vel diebus, vel eorum aliquo cantantes vel attendentes, et collectis, videlicet vni de beata Maria et alteri pro peccatis, premissis suis versibus, altera vero incipit: Salve Regina, que cottidie mane in eodem monasterio et singulis diebus sabbatinis in Capella sancti Johannis Baptiste in predicti Monasterii cimiterio sita solet cantari, dictarum festivitatum vel dierum aliqua devote interfuerint, centum dies de iniunctis sibi penitenciis prelibata auctoritate apostolica, qua fungimur in hac parte, in dno misericorditer relaxamus. Datum Newnburge Patav. dyoc. ydus Decembris, Pontif. sanctissimi in xsto. patris et dni. nostri dom. Vrbani divina providencia pape sexti anno tercio. Gerlacus.

Source Fulltext: ZEIBIG, Klosterneuburg (=FRA II/28, Wien 1868) S. 11-12