Pileus miseracione divina ecclesie sancte Praxedis presbiter Cardinalis ad infrascripta apostolica auctoritate suffulti Vniversis xsti. fîdelibus, ad quos presentes pervenerint, salutem in dno. Splendor eterne glorie, qui sua mundum illuminat ineffabili claritate, pia vota fîdelium de clementissima ipsius maiestate sperancium tunc precipue pio favore prosequitur, cum devota ipsorum humilitas sanctorum precibus et meritis adiuvatur, ac Xsti. fîdeles eo libencius ad devocionem confluent, quo ibidem vberius dono celestis gracie conspexerint se refectos. Cum igitur dilectus nobis in Christo Michahel Tucz de Newnburga Patav. dioc. ad Crucem sculptam diversis ymaginibus designantibus passionem dominicam per ipsum cum vno lumine perpetuo ante dictam crucem ardenti in Cimiterio Monasterii beate Marie virginis Can. Reg. ord. s. Aug. in dicto opido Newnburga||
solempniter fundatam et constructam specialem prout accepimus gerat devocionem et affeccionem, nobis humiliter supplicavit, vt pro devocione ipsius augmentanda spiritualia munera largiri dignaremur. Nos itaque dictis supplicacionibus favorabiliter annuentes, de omnipotentis dei misericordia et beatorum Petri et Pauli apostolorum eius meritis et auctoritate predicta confisi, omnibus vere penitentibus et confessis, qui ante dictam crucem vnum pater noster cum ave Maria devote flexis genibus dixerint, de iniunctis eis penitenciis centum dies prelibata auctoritate misericorditer in domino relaxamus. Datum Budewicz Pragensis diocesis III. Non. Decembr. Pontificatus sanctissimi in Xsto. patris et dni. nostri domini Vrbani divina providencia pape VI. anno quarto. Conradus.

Source Fulltext: ZEIBIG, Klosterneuburg (=FRA II/28, Wien 1868) S. 15-16