Ich Kathrey, Chunrats des Tuechla^er witib, dem got genad vnd mein eriben vergehen - Das ich - mit meins pergmaister hant, Albrechts von pirpawm, die zeit pergmaister vnser lieben frawn gotshaws ze Newnburgk klosterhalben - verkauft han mein weingarten, genant der dekcher, des funff Rahen sind, der main tailtz guet ist von meiner tochter Elspeten, dy Gerborts des Manseer hausfraw ist vnd von meim enenchel Kathrein, di Fridreichs des keydinger hausfraw ist gewesen der got genad - vnd leit mein egenanter weingarten Im gswent zu nachst Symon des wisentz sun weingarten do man alle iare dient vnser frawn gotzhaws Anderthalben Emmer vnd newn stawff weins ze perkrecht, vnd drey phenning vnd drew art ze voitrecht zu drin etaiding Im iare, - vmb hundert phunt wienner phenning, darumb mir egenanten kathrein der Tuechlarin der erwirdig herr Probst Cholman vnd der Convent gemain des gotshaws vnser frawn zu Newnburgk klosterhalben geben haben ain phruent von irm Gotshaws zu mein lebtagen - Vnd - wann ich - nicht aigen insigel han, so gib ich vnd mein erben dem egenanten vnser frawn gotshaws den brief versigelt mit meins egenanten pergmaisters Insigel - vnd mit meiner paider aydem insigel, gerbortz des Manseer vnd Fridreichs des Keydinger, vnd mit der zwair erber mann Insigel, Petreins des Manseer, vnd Symon, hern Wisents Sun auf dem Anger di zeit paid des Rats der Stat zu Newnburgk. - Der brief ist geben - drewczehenhundert iar darnach in dem zwai vnd Achczigistem Jare an Sand Niclaz Abend.

Source Fulltext: ZEIBIG, Klosterneuburg (=FRA II/28, Wien 1868) S. 19-20