Ich Katray vnd ich Wentel, bayd Chunrats To^echter des Sylberchnollen, dem Got gnad. Wir vergehen - Das wir vns gantz vnd gar verebent vnd verrichtet haben mit vnserm Vettern Pru^eder Vlreichen zu den zeiten Schaffer datz Allerheiligental ze Mawrbach des ordens von Karthus¹) vmb alle die ansprach, die wir gehabt haben auf die Mu^el gelegen ze Mewrling zena^echst dem dorff - Also daz vns der egenant Pruder Vlreich fu^er alle ansprach gegeben hat ein gelt - daran vns wol genu^egt, vnd darumb so haben wir - vns der vorgenanten Mu^el vnd alles des, so dartzu geho^eret - gentzleich vertzigen - Vnd wand wir selber aigen insigil nicht haben, darumb so geben wir im den brief - versigilten mit der zwair erbern mann Insigiln, Hainreichs des Wu^erffels, purger ze wienn, vnd hannsen des Eybesprumer - der geben ist - drewczehenhundert Jar darnach in dem zway vnd achczgistem Jar an vnser vrown Abent zu der Schydung.

Source Fulltext: ZEIBIG, Klosterneuburg (=FRA II/28, Wien 1868) S. 18-19