Ich Chunrat vnd ich Wolfgank paid geprüder die po^etinger - veriehen - vmb vnsern hof mit aller zugehorung - gelegen zu graben, den wir zu rechten purchrecht haben gehabt von dem erbern vnser vrawn gotshaus zu Newnburg chlosterhalben - Nu hab wir gehabt zu Chigling vierczehenthalben schilling wienner pfennig gelts auf dem hof, do die zeit Symon. zu Chigling auf ist gesezzen vnd funf vnd vierczig wienner pfenning auf vberlent doselbs - Nu haben wir ain aus wechsel getan mit dem erwirdigen hern Probst Cholman - also daz er vns - ledig hat lazzen vnsern hof zu graben - vnd darvmb haben wir geben dem egenanten Erwirdigen hern Probst Cholman - die egenanten funfzehn schilling gelts zu Chigling- Vnd dez zu vrchund - so geben wir - den prief versigelt mit vnsern aignen insigeln, darzu hab wir gepeten vnsern vettern herborten den po^ettinger vnd antoni von wu^ermlach - Der prief ist geben - drewzehen hundert Jar, dar nach in dem fumf vnd achczigisten Jar acht tag vor sant Merten tag.

Source Fulltext: ZEIBIG, Klosterneuburg (=FRA II/28, Wien 1868) S. 34