Ich Perla die Judin ze Chrems vnd alle mein erben wir vergehen - vmb das haws gelegen datz Stain am Newsidel gegen dem Polrewssen vber, das vns verstanden ist von Chunraten dem Pleintinger Purger datz Stain vnd Elspeten seiner hausfrawen - das selb vorgenant haws sag wir ledig vnd loz vnd haben auch furbas chain ansprach noch vadrung hincz dem obgenanten haws weder mit brief, noch an brief, weder vil, noch wenik, das lub wir als stet ze haben mit vnserm trewen an aydes stat, vnd des ze vrchund geb wir den offen brief versigilten vnd wann ich - nicht aigen insigel enhan, des hab ich gepeten den erbern Hannsen den Polcz, die zeit Statrichter vnd Judenrichter ze Chrems, daz er der sack zeug ist mit seim anhangunden Insigl - Der brief ist geben - drewtzehen hundert Jar darnach in dem funf vnd Achtzigistem Jar des samtztages vor sand Giligen tag.

Source Fulltext: ZEIBIG, Klosterneuburg (=FRA II/28, Wien 1868) S. 33-34