Ich Andre von Zu^entgraben vnd ich Danchkwart von Zu^entgraben sein prueder vnd ich Margret sein hausvraw vnd all vnser erben Wir vergehen - das wir - verchauft haben vnser Dorff genant Reinprechtzstorf gelegen in Egenburger Pharr niderhalib Stoitzendorf vnd alles, daz darzue gehoret - vnd die Muel daselbens, vnd ein Wizz da pei vnd haizzet die Samtwiz, die auch Purkret ist, do man von vierthalben phunden vnd dreizzig phenning gelts die in dem egenanten dorff gelegen sind auf vier lehen, auf einem weingarten vnd auf Purkchrecht Ekchern alle iar dient in das chloster ze Newnburch auf vnser frawn alter zwelif wienner phennige an sand Michels tag ze purkchrecht, vnd dient von der wu^er, die zu der egenanten Mu^el gehort, auff die veste gen Stoyzendorf zwelif wienner phennig an Sand Michels tag ze purchrecht - So dient die Holden in dem vorgenanten Dorff - dem herczogen in Osterreich vogthabern gen Chrems, vnd phenning gelt gen Egenburch - vnd drew hundert phunt vnd vmb zwainzig phunt wienner phenning - der Erbern Geistleichen herren dem Convent gemain der korherren des vorgenanten klosters ze Newnburch in ir Oblay - Auch ist ze merckhen, das ich - haben in geben den erbern korherrn ze Newnburch vnd ir Oblay Sechs gancz versigelt brieff, der ain der sagt, das Meinhart der Grafen von Maidburg hofrichter von den Redlern von Sichtenberch in aigens gewer gechaufft han achtzehenthalben schilling wienner phenning vnd zwen vnd dreizzig meczen waicz Egenburger mazz vnd das zu lehen hab enphangen von dem Edeln grafen von Maidburch - Der ander sagt, das derselb Meinhard der Richter von hern Albern von Chunring gechauft hab ze purchrecht die egenanten vierdhalb phunt vnd dreizzig phenning gelts - Der dritt sagt, das Vlreich der Esel - verchaufft hab hern Alber von Chunringen acht vnd zwainzig wienner phenning geltes auf der Mu^el vnd auf dem Mu^elgraben ze Reinprechtzstorff - Der vierd sagt, das ich Andre vnd mein prueder Hans ab haben gechoufft all die recht, die hans der hewndel vnd lewtel, paid prueder von Slewntz haben gehabt an den obgenanten guetern. Der fumft vnd sechst sagen, das die Grafen von Maidburch vns die gueter, die wir von In ze Reinprechtsdorf haben ze lehen gehabt, geaigent haben - Dar vmb so geben wir - In den brief - versigelten mit vnser paider anhangunden Insigeln, vnd mit des purchherren Insigel, des Erbern Geistleichen herren, herrn Petreins des Lenhofer, korherr, zu den zeiten obrister kelner des vorgenanten klosters ze Newnburch, vnd mit vnser lieben Ohaymen Insigeln, Michels des Eystorffer von langenaw vnd Reimbots von Zwirtgendorf - Der brief ist geben - drewczehen hundert Jar darnach in dem Sechs vnd Achczigistem Jar an Sand Jorgen Obent.

Source Fulltext: ZEIBIG, Klosterneuburg (=FRA II/28, Wien 1868) S. 36-38