Ich Rinnhart der Grozz vnd ich Kathrey, sein hausfraw vnd vnser erben vergechen - das wir - mit vnsers pergmaister hant, des erbern manns Albrecht von pirpawm, di zeit Pergmaister vnsers frawn gotshaws zu Newnburgk klosterhalben verkaufft haben vnsern weingarten gelegen vnder dem chochgraben - do man alle iar dient vnser frawn gotshaws drew virtail weins ze pergkrecht vnd drey helbling ze voitrecht zu drin etaiding Im Jar, als es von alter her chomen ist, vnd ein halb phunt gelts zu vberzins den herren gen liennfeld, als ir vrkundbrief sagt - die vbertewrung des genanten weingarten haben wir mit rechter fuerzicht verkaufft - vmb Aindlif phunt wienner phenning - dem erbern mann Vlreichen dem Hänglwein, dem slussler ze Newburgk ¹) vnd frawen Kathreyn seiner hausfrawen - So gib ich mit gesampter hant In den brieff versigilt mit vnsers egenanten Pergmaisters Insigil Albrecht von Pirbawm vnd mit Seyfriden Insigil des stechken, des statschreiber zu neunburgk - Der brieff ist geben - drewczehen hundert Jar, darnach in dem Sechs vnd Achczigisten Jare an dem Prehemtag.

Source Fulltext: ZEIBIG, Klosterneuburg (=FRA II/28, Wien 1868) S. 34-35