Wir Johanns von gotes gnaden Probst vnd Ertzpriester datz Chiemse, Ich Thoman Techant vnd wir gemain daz gancz Capitel do selben veriehen - Daz wir - verchawfet haben vnsers Gotzhawses freyes aigens gut, zwen ho^ef gelegen in Osterreich datz Tawtendorf, do auf dem ainen gesezzen ist Michel der Mu^ellner vnd dient allew Jar an sand Michels tag zwai phunt wienner phennig, zwo gens vnd vier hu^ener, vnd auf dem andern hof sitzt Chunrat der Töler, vnd dient auch allew Jar an sand Michels tag zwai phunt wienner phenning, zwo gens vnd vier huener - vmb Sechczik phunt wienner phenning - den erwirdigen geistlichen herren Probst Cholman zu Newnburg Chlosterhalben, hern Bartholome, di zeit Techent, vnd dem gantzen Capitel in ir Oblai daselben - Vnd darvber - so geben wir in den prief versigelten mit vnserm vnd mit vnsers Capitel paiden anhangenden Insigeln, der gegeben ist zu Chrems im Chyemseerhof - dretzehen hundert Jar vnd darnach in dem Newn vnd Achtzigisten Jar an sand Michels abent.

Source Fulltext: ZEIBIG, Klosterneuburg (=FRA II/28, Wien 1868) S. 55