Ich Ruedolf von Tirna zu den zeiten Huebmaister in Osterreich ¹) vnd ich Ludweig von Tirna sein pruder wir vergehen - das wir - mit handen des erbern manns Symans des Syndrams von Newnburg zu den zeiten pergmaister des erbern herren hern Eberharts von Chappelle vnd des erbern vesten Ritter hern Niclas des Wu^erffels verchawft haben vnsern weingarten gelegen ze Nussdorf pei dem gattern genant das Ekcherl, des ain halbs Jeuch ist - vmb acht vnd Sechczig phunt wienner pfenning - dem Erbern mann Wolfharten dem Pho^elnhofer ze Nussdorf vnd frown Margreten seiner hawsfrawen vnd ir paider erben - Daruber so geben wir in den brief - versigilten mit vnser - paider anhangunden Insigiln vnd mit des pergmaister vnd pergherren Insigiln, der vorgenanten Symans des Syndrams vnd hern Niclas des Wu^erffel - Der brief ist geben ze wienn - drewczehnhundert Jar, darnach in dem Ains vnd Newnczgisten Jar des nechsten montags vor sand Go^ergen tag.

Source Fulltext: ZEIBIG, Klosterneuburg (=FRA II/28, Wien 1868) S. 60