Ich Perchtold von Franckenrad vnd ich Kathreysein hawsfraw vnd vnser erben Vergechen - daz ich - verchauft han mein freys aigens gut, daz mein rechts chaufgut ist - vnd daz emalen als gewesen ist hern Albrechts des atzenprukker, dem got genad, ain viertail des darfgerichts zu weinczu^erl auf dem Tulnerveld vnd ain halbe henn vogtrechtz auf der Pharrchirchen zu der heyligenaich vnd die vischwaid halbe die ich do gehabt han zwischen weinczu^erl vnd eberstarf, daz mein lehen ist von dem fu^ersten gewesen in Osterreich - vmb vierczehen phunt wienner phenning - dem Erwirdigen herrn Probst Cholman zu Newnburg chlosterhalben, der es dem goczhaus vnd dem Convent doselbs gechauft hat - Vnd des zu Vrchund - So gib ich - den prief versigelt mit meim aigen Insigel, dar zu han ich fleizzig gepeten di zwen erber mann, hannsen den Matseer vnd Echarten von Rust - Der prief ist geben - drewczehen hundert Jar dornoch in dem zway vnd Newnczigstem Jar acht Tag noch sand Cholmans Tag.

Source Fulltext: ZEIBIG, Klosterneuburg (=FRA II/28, Wien 1868) S. 66-67