Marquardus de Randeck, decretorum doctor, Augustensis et Eystetensis Ecclesiarum Canonicus, Referendarius dni. nri. pape nec non in provincia Salczpurgensi fructuum, proventuum et aliorum reddituum camere apostolice debitorum collector generalis per Sanctissimum in Christo patrem ac dominum nostrum, dominum Bonifacium divina providencia papam nonum specialiter deputatus. Tenore presencium recognoscimus et confitemur, habuisse realiter et recepisse vice et nomine Camere apostolice a venerabili patre dno petro, divina permissione preposito Monast. Newnburge Claustralis Can. Reg. Ord. s. Aug. Patav. dioc. nomine et racione sue prepositure ibidem de octo annis preteritis iam elapsis octo ducatos auri veri boni ac iusti et legalis ponderis racione annui census camere apostolice predicte singulis annis debiti, qui communi vocabulo Morabatinus appellari consuevit, de quibus quidem octo ducatis auri sic solutis et per nos receptis ipsum venerabilem patrem dnum. petrum prepositum prefatum eiusque Monasterium, successores atque bona quittamus, liberamus, absolvimus ac quittum et absolutum, et quittos et absolutos pronunciamus et declaramus pactumque eidem facimus et successoribus de vlterius non petendo. Ipsum eciam ab excommunicacionis, suspensionis et interdicti et a quibusvis aliis sentenciis, si quas propter premissi annui census tardam solucionem, quod absit, incurrerit, ad cautelam absolvimus et absolutum pronunciamus presencium per tenorem. In cuius rei testimonium presentes literas fieri fecimus et sigilli nostri iussimus appensione communiri. Dat. Wienne dicte patav. dioc. in domo habitacionis nostre. Anno Dni. M°CCC°. nonagesimo quinto die Mercurii sedecima Mensis Junii Indiccione tercia, Pontificatus Sanctissimi in Xsto. patris dni. nri Bonifacii pape predicti anno sexto.

Source Fulltext: ZEIBIG, Klosterneuburg (=FRA II/28, Wien 1868) S. 80-81