Testament des Andreas Plank, Pfarrer zu Gars. Testament des Andreas Plank, Kanzlers des Herzogs Albrecht, worin er den Herzog Albrecht als Gründer des Stiftes St. Dorothea erklärt und sein ganzes Vermögen, Bücher, Kleinode, Silbergeschirr und Geld dem genannten Stifte vermacht. "... sunderleich die zwey par der grossen bibel, die ich ettwenn zu der kirchen gen Egenburg gekauft het und die ich nachmaln gen sant Dorothee hab gegeben die nuczer vnd sicher da sind denn dacz Egenburg. Denn von des größern tagczeit puchs wegen das etwein mein vorvorder herr Friedrich pfarrer zu Gars zu einer mess, und der kirchen daselbs hat gemaint und die zway klainen tagzeit puher die weilent herr Hanns pfarrer zu Heresing vicari zu Gors die ich im vorzeiten von des egenannten herrn Fridrichs gescheffts wegen hab geantwurtt hinter im lassen hat. Schaff ich daz der egenannte brobst und der convent dacz sant Dorothen dieselben pücher sullen innhaben. ... Item das gross corpus juris das etwen mein vorvorder geschaft het zu verkaufen und gemaime predig pücher in die librey gen Egenburg zu kauffen derselb pücher ein gut tail da ist also daz mich nicht notdurft dunkt mer pücher dahin zu kaufen davon so schaff ich dass das dacz sant Dorothee in der librey beleib doch daz der propst und der convent daselbst für mein ... habent zu zetun. Item so ist zemerkn daß ich all ander mein varend hab es sey berait gelt geltschuld ausstennd nucz wein oder getraid oder was ich bei mein kirchen zu Gors und zu Egenburg und irn zugehörungen vnd auch in der canczley oder ze Krems hinter mein las geschafft hab maister Hannsen von Meyrs pfarrer zu Valkenstein und herrn Hertneiden pfarrer zu Weykharczdorf also daß sie damit handeln als mein suder geschefftbrief den ich darüber geben hab ausweiset. Und main daz sich der probst dacz sant Dorothee und der convent damit nicht bekumern und dacz dieselben geschefftleut damit handeln ze gelaicher weis main ich daz sich dieselben geschefftleut mit der hab die ich dacz sant Dorothee lass auch nicht bekümern weder mit beschaw noch in ander weg sunder daz es dabey beleib als die bed geschefftbrief die ich darüber geben hab ausweisent ungeverleich." 

Original dating clause: suntag vor sant Mertten tag

Language: Deutsch