IN nomine Sanctae et individuae Trinitatis. Arnulphus Divina favente gratia Rex. Si locis Deo dicatis aliquod nostri suffragij solamen contulerimus, id nobis et ad statum regni nostri et ad perpetuum augmentum profuturum esse credimus. Quapropter noverit omnium fidelium nostrorum praesentium atque futurorum solertia, qualiter nos pro remedio animae nostrae nec non venerandae memoriae genitoris nostri Karlomanni serenissimi Regis avique nostri Ludwici animabus quasdam res proprietatis nostrae in pago Trungawe juxta fluvium Chremisa ad monasterium ejusdem nominis constructum in honore domini nostri JESU Christi jure perpetuo in proprietatem donavimus, Hoc est Curtem vocabulo Newanhova cum omnibus ad eam rite pertinentibus, beneficijs, Mancipijs, aedificijs, terris cultis et incultis, pascuis, pratis, sylvis, aquarumve decursibus, mobilibus et immobilibus, quaesitis et inquisitis, exitibus et regressibus, vijs et invijs, forestis forestarijsque atque omnibus interius exteriusque illuc pertinentibus excepto, quod prius Venerabili Abbati Purchardo apud Papilindorf in beneficium concessimus erga Karolum Imperatorem in propriae potestatis portionem aequirere et quod Snelperoni Abbati ad Cidalarin in orientali latere Nezilpach donavimus. Caetera quoque ex integro et per omnia ad supradictum Caenobium Salvatoris nostri JESU Christi tali immunitatis nostrae praecepto in perpetuum donare volumus, ut nullus Judex publicus aut quaelibet persona ex judiciaria potestate supradictam Curtem aut loca vel agros seu reliquas possessiones vel quas deinceps unius ipsius curtes divina pietas augeri voluerit, ad causas judiciario more audiendas, exigenda vel freda aut vadia seu mansiones vel pratas (sic) faciendas aut fidejussores tollendos aut homines tam ingenuos quam servos per terram ipsius curtis et super omnia circa ad eum pertinentia commanentes injuste distringendos aut ullas reddibitiones aut illicitas occasiones requirendas ullo unquam tempore ingredi audeat vel ea, quae superius nominata sunt, penitus exigere praesumat, sed liceat eamdem curtem et res illuc respicientes supradicti caenobij habere Abbatem, cujus vocabulum est Chremisa, sub tali immunitatis nostrae defensione successorumque nostrorum sicut caetera .Caenobia, quae roboratum nostrae immunitatis praeceptum praedecessorumque nostrorum habere noscuntur. Et quod omnino fiscus noster exinde sperare poterat, hoc totum pro aeterna remuneratione nostra ac genitoris nostri avique nostri ad supradictum Monasterium jure perpetuo donare volumus nullo successore nostro unquam aliaque persona inquietante. Et ut haec auctoritas nostrae donationis firmior habeatur et ab omnibus fidelibus sanctae Ecclesiae et nostris verius credatur ac diligentius conservetur, manu propria nostra subter firmavimus et annuli nostri impressione sigillari jussimus. Signum Domini Arnulphi gloriosissimi Regis. (Monogramma.) Albertus Cancellarius ad vicem Theotmari Archicancellarij recognoui. Datum III. Non. Jan. Anno Incarnationis Domini DCCCLXXXVIII. Indictione Vl. anno primo regni Arnulphi serenissimi regis. Actum Regenspurch in Dei nomine feliciter. Amen.

Source Fulltext: OÖUB 2 (Wien 1856) S. 27-29