Alexander Episcopus servus servorum Dei dilectis filijs Udalrico Abbati Chremsemonasterij ejusque fratribus tam praesentibus quam futuris regularem vitam professis in perpetuum. Piae postulatio voluntatis effectu prosequente compleri debet, quatenus et devotionis sinceritas laudabiliter enitescat et utilitas postulata vires indubitanter assumat. Eapropter dilecti in Domino filij vestris justis postulationibus clementer annuimus et praefatum Monasterium, in quo divino mancipati estis obsequio, sub Beati Petri et nostra protectione suscipimus et praesentis scripti privilegio communimus Statuentes, ut quascunque possessiones, quaecunque bona idem Monasterium inpraesentiarum juste et canonice possidet aut in futurum concessione Pontificum, largitione regum vel principum, oblatione fidelium seu alijs justis modis praestante domino poterit adipisci, firma vobis vestrisque successoribus et illibata permaneant. In quibus haec proprijs duximus exprimenda vocabulis: Parochiam videlicet Kirichperch cum tota decima et dote sua omnique integritate juris, quod a Theobaldo Pataviense Episcopo canonice suscepit et privilegio ipsius cum omni utilitate quiete possidet; Parochiam in Chemnaten cum tota decima et dote sua, Ecclesiam Bore inferiorem et superiorem cum tota dote sua, Parochiam Halle cum omni decima et dote sua, Parochiam Riede cum tota decima et dote, Parochiam Waeizchirchen cum omni dote sua, Ecclesiam Cellae cum tota decima et dote sua, Parochiam Welsae cum omni decima et dote, Basilicam Sancti AEgidij in ponte cum dote sua, Parochiam Taleheim cum omni decima et dote sua, Parochiam Puechchirichen cum tota decima et dote sua, Parochiam Wartperch cum omni decima et dote sua, Ecclesiam Chirichdorf cum tota decima et appendicijs suis, Parochiam Gaersten cum omni decima et dote sua, Parochiam Steinechirichen cum omni decima et filiabus suis, Cellos et Vischenhaim cum caeteris capellis suis, Ecclesiam Viehtwanch cum dote sua et omnibus appendicijs suis, parochiali jure legitimo, In monte Sancti Martini parochiam cum omni dote et praedio a quadam Comitissa et filijs praefato Monasterio tradito cum omni utilitate, In Pehstal basilicam cum dote et omni utilitate, Praedium a duce Bawariae Monasterio vestro traditum a flumine Horenbach seorsum usque in Chremesam, Mansum unum in Halle, Alium mansum in monte vicino alterius mansi concambio a duce Bavvariae Henrico receptum et confirmatum et pacifice retentum. In praenominatis autem parochijs ex jure fundi liberam investituram et petitionem, sepulturam quoque loci ipsius liberam esse concedimus, ut eorum devotioni et extremae voluntati, qui illic sepeliri deliberaverint, nisi forte excommunicati sint vel interdicti, nullus obsistat salva tamen justitia parochialium Ecclesiarum, in quibus mortuorum corpora assumuntur. Chrisma vero, oleum sanctum, consecrationes altarium seu basilicarum, ordinationes etiam Monachorum, qui ad sacros ordines promovendi sunt, a diaecesano suscipiatis Episcopo, siquidem Catholicus fuerit et gratiam atque communionem Apostolicae sedis habuerit. Cum autem generale interdictum terrae fuerit, liceat vobis clausis januis, exclusis excommunicatis et interdictis, non pulsatis campanis, suppressa voce divina officia celebrare. Obeunte vero te nunc eiusdem loci Abbate vel tuorum quolibet successorum nullus ibi qualibet surreptionis astutia seu violentia praeponatur, nisi quem fratres communi consensu vel fratrum pars consilij sanioris secundum Dei timorem et beati Benedicti regulam praeviderit eligendum. Decernimus ergo, ut nulli omnino hominum liceat praefatum Monasterium temere perturbare aut suas possessiones auferre vel ablatas retinere, minuere seu aliquibus vexationibus fatigare sed omnia integra conserventur eorum, pro quorum gubernatione et sustentatione concessa sunt, usibus omnimodis profutura, salva sedis Apostolicae auctoritate et diaecesani Episcopi canonica justitia. Siqua igitur in futurum Ecclesiastica saecularisve persona hanc nostrae constitutionis paginam sciens contra eam temere venire temptaverit, secundo tertiove commonita si non satisfactione congrua emendaverit, potestatis honorisque sui dignitate careat reamque se divino judicio existere de perpetrata iniquitate cognoscat et a sacratissimo corpore et sanguine Dei et domini Redemptoris nostri JESU Christi aliena fiat atque in extremo examine districtae ultioni subjaceat. Cunctis autem eidem loeo jura servantibus sit pax domini nostri JESU Christi, quatenus et hic fructum bonae actionis percipiat et apud districtum judicem praemia aeternae pacis inveniant. Amen. Ego Alexander Catholicae Ecclesiae Episcopus. SS. Ego Hubaldus Hostiensis Episcopus. SS.||
Ego Joannes Presbyter Cardinalis Sanctorum Joannis et Pauli titulo Pamachij. SS.||
Ego Joannes Presbyter Cardinalis S. Marci. SS. Ego Petrus Presbyter Cardinalis titulo S. Susannae SS. Ego Cynthius Presbyter Cardinalis titulo S. Caeciliae. SS.||
Ego Jacobus Diaconus Cardinalis S. Marise in Cosmidyn. SS. Ego Ardicio S. Theodori Diaconus Cardinalis. SS. Ego Rainerius Diaconus Cardinalis S. Gregory ad velum aureum. SS. Ego Rainerius Diaconus Cardinalis S. Adriani. SS. Ego Chunradus. SS. [367] Datum Lateranis per manum Alberti sanctce Romanae Ecclesiae Presbyteri Cardinalis et Cancellarij Mense Aprili, Indictione XII. Incarnationis Dominicae anno MCLXXVIII. Pontificatus vero domini Alexandri Pape tertij anno XX.

Source Fulltext: OÖUB 2 (Wien 1856) S. 364-367