Ottakarus dei gracia Boemie Rex, Dux Austrie, Styrie et Karinthie, Marchioque Morauie, Dominus Carniole, Marchie et Egre, Omnibus presens scriptum inspecturis graciam suam cum plenitudine omnis boni. Cum diuina clemencia semel elargita munera ad sui conspicit nominis gloriam reuocarj, tanto maiora tribuat, quanto per ea sue dignitatis religionem uiderit ampliari. Nos ad dei gloriam et honorem ac eterne felicitatis intuitu beneficium gracie specialis, iam dudum venerabili Abbatj et conuentuj in Chremsmunster per nostre dextram serenitatis inpensum pariter et concessum eisdem Abbati et conuentui decernentes in perpetuum obseruare, priuilegium predicto monasterio in Chremsmunster concessum, ad rei memoriam perpetuam duximus renouandum. Forma uero priuilegij nostri prioris talis est ... Ottakarus etc. (Siehe die Urkunde aus dem OÖUB, Band 3, S. 219, Nr. 225, von (vom 12. Dezember) 1255.) Ad noticiam igitur tam presencium quam futurorum dictis Abbatj et conuentui in Chremsmunster presens scriptum nostrorum sigillorum munimine duximus Roborandum, presentibus testibus infra scriptis: Domino Ottone de hazlaw, Ottone Camerario de perchtoldesdorf, Rapotone pincerna de valchenberch, Heynrico de hauwenueld, Stephano de Meychssaw, Chunrado scriba nostro per Anasum et aliis quam pluribus fidedignis. Actum in Znoym Anno Domini M. CC. LXX. et Datum per Manum magistri vlrici prothonotarij nostri XIIII. Kalendas Junij.

Source Fulltext: OÖUB 3 (Wien 1862) S. 375-376, Nr. 404