Nos frater heinricus dictus Abbas in Runa et Conuentus ibidem per presencia protestamur, quod, cum Ecciesia nostra quasdam possessiones haberet in valle, que dicitur Gerstntal, duo videlicet predia sita in Miesloech et tercium adiacens eisdem, Cumbolswart vvlgariter nominatum, que ex sui remocione nostris non poterant vtilitatibus comode deseruire Eeclesie requisiti a venerabili patre domino friderico Abbate Chremsmunsterensi et suo Conuentu, predictas possessiones nostras suis prediis adiacentes eas vendidimus absolute pro viginti quatuor Marcis puri argenti wiennensis ponderis, sub eo proprietatis titulo, quo eas ad nos hactenus spectasse constat, perpetuo possidendas. Quod quidem argentum ex parte predictorum domini Abbatis et conuentus Ecclesie supradicte, per manum fratris Ernesti eiusdem loci Cellerarii protestamur nos in domo nostra plene et integraliter recepisse. Et ne prefato Monasterio Chremsmunsterensi occasione emptionis huiusmodi alicuius questionis valeat materia imposterum suboriri, ecce extunc, prout exnunc earundem possessionum constituimus nos auctores Legitimos abbatis et Ecclesie memorate. In cuius rei Testimonium presentes eis litteras damus nostri Sigilli, quia conventus nostri ordinis non habent sigilla, munimine roboratas. Datum in Runa anno domini M°. CC°. Nonagesimo octauo. Huius rei testes sunt frater Hainricus prior, frater Hainricus supprior, frater Hainricus maior Cellerarius, frater Guanno, frater Otto Camerarius, frater Fridericus infirmarius, frater Zacharias Magister hospitum et alii quam plures.

Source Fulltext: OÖUB 4 (Wien 1867) S. 296-297, Nr. 316