Ego Johannes de Ror Notum facio omnibus presencia inspecturis, quod, cum aspirante eo, qui dissimulat peccata hominum propter indulgenciam, dictante conscientia recognoscerem, et me et meos progenitores Ecclesiam in Chremsmvnster multiformiter offendisse, vt diuino examini iustam et debitam mihi subtraherem vlcionem, a domino Friderico tunc abbate et tota congregacione sum piis supplicacionibus de commissis in eos veniam consecutus, ob remedium nichilominus anime mee et progenitorum meorum, receptis ab eis decem talentis denariorum wiennensium et vno modio auene, dimidiam partem decime de duabus Curiis meis circa Castrum Ror, qui (sic) vvlgo dicuntur Datz den Stoedeln, cuius pars altera ad predictam Ecclesiam spectare dinoscitur ab antiquo, de bona voluntate et consensu Heinrici filii mei, ad munus predicti domini abbatis et ego et idem filius meus resignauimus in restaurum, ab eadem Ecclesia iure perpetuo possidendam, promittens ex nunc, quod ab eiusdem Ecclesie offensis volo, cooperante mihi dei gratia, de cetero omnibus modis abstinere, quin immo omni deuocionis genere honori et profectui supradicte Ecclesie effectiuis exhibicionibus, quoad vixero, propensius inseruire. Et vt hec mee donacionis collacio perpetuam obtineat firmitatem, nec ab aliquo liberorum aut coheredum meorum conatibus valeat infirmari, presenti karte meum Sigillum duxi pro testimonio appendendum, Testium, qui interfuerunt, nominibus subnotatis, que sunt hec: dominus Ortolfus de Pollhaim, dominus Seibrandus de Gelting, dominus hermanus de Egendorf, vlricus Ruffus, vlricus et Tristramus de aich, Bernhardus de ahleiten et alii quam plures. Datum in Chremsmvnster Anno domini M.CC. Nonagesimo Quarto, XV. Kalendas Aprilis.

Source Fulltext: OÖUB 4 (Wien 1867) S. 203-204, Nr. 222