Ich marchart der Sluzzelwerger vnd mein Hawsfraw vnd all vnser bayder erben wir veriehen vnd tün kunt mit dem briff allen den dy in sehend oder hornd lesen daz wi^er mit wolbedachtem müt redlich vnd recht ain gu^et gelegen in der aw bey chremsmunster in chirchperger pharr darauf zden zeiten der stubenberger gesezzen ist, vnd daz auch rechtz lehen ist von dem erwirdigen gotshowz zu chremsmu^enster, ze chauffen haben geben mit allen eren rechten vnd nuczen dy dar zu gehörnd dem erwirdigen geistlichen herren hern Merttein abpt ze chremsmünster vnd dem Conuent gmainlich daselbs vmb ein gelt dez wi^er von in gancz vnd gar verricht vnd gewert sein. wir sullen auch dez selben güt ir rechter gewer vnd fürstant sein an aller stat (wo) in dez nöt geschicht, Tün wir dez nicht, allen den schaden, den Sy von dez egenanten güt wegen nement, wie der genant waer, den selben schaden sullen wir in genczlich ablegen vnd wider cheren, vnd sullen Si daz haben ze vns vnd ze vnsern trewn vnd dar zu auf aller vnser Hab wo wir dy haben auf wazzer auf Lannde auf Strazzen, wy dy genant vnd wo dy gelegen ist, besucht vnd vnbesucht vnd sullen dy inn haben mit vnser gutlichem willen vnd wort, vncz als lang daz Si aller schäden davon bechomen vnd dar über sa geben wir jn den briff zu einem warn vrchunt der sache versigilt mit meinem obgenanten marchart dez sluzzelwerger angehanngen insigil vnd zu einer pezzern sicherhait vnd zeugnuzz versigilt mit dez erbern chnecht nycla dez ezelstorffer angehanngen insigil im vnd seinen erben an schaden, der briff ist geben nach christ gepurd drewzen hundert jar vnd dor nach in dem Su^eben vnd Su^ebenczkisten jar dez nochsten freytags noch sand Cholmans tag.

Source Fulltext: OÖUB 9 (Wien 1906) S. 342-343