Ich Jorig von Volkchenstorf, vnd mit sampt mi^er all mein erbn^e, vergehen vnd tun kunt mit dem offen bri^ef alln lewten gegenburtigen vnd chunftigen, daz wir ze chauffen habn gebn^e, dem Erwirdigen geistlichen herren hern. Merten, apt ze Kremsmunster vnd dem Gotzhaws daselbs, vnsern hoff, genant auf der obern Stetten, vnd ain hofstat dapei, vnd die obern aw, auch da pei, gelegn^e, alls in Weizchircher pharr, vnd der vnser rechts erib gebesen ist, von dem Gotzhaws daselbs, vmb funfczik phunt guter wienner phenning, der wir von in gancz vnd gar g^ericht vnd gwert sein, dasselb vorgenant, güt alls, habn^e wir in gebn^e, auz vnser nücz vnd g^ewer, in ir nucz vnd gwer, mit allen den nuczen ern vnd rechten, vnd dar zu gehort, vnd da von bechomen mag, zu Holcz, zu veld vnd zu wismat, zu wazzer vnd wayd, wie sa daz genant ist, vnd als wirs in nucz vnd gwer her pracht haben, vnd als goczhaws eribrecht hat, in dem Lande ob der Enns vnd als wirs gechauft habn von Ruegern dem Lawtterbechken. Ich vorgenant Jorig von Volkchenstorf, vnd mein erben sullen vnd wellen dez egenanten gu^ets dez Erwirdigen Herren Hern Merten Apt zu Kremsmünster vnd dez goczhaws gwer vnd fürstant sein, wo in dez not vnd durft geschicht nach dem Lands recht ob der Enns, vnd als daz vorgenant Gotzhaws erib recht ist, Ging in an der gwerschaft icht ab, mit recht daz sullen wir in auzrichten an allen irn schaden. Ta^eten wir dez nicht, daz sullen sew haben, dacz vnsern trewn, vnd darzu auf aller vnser Hab, wo wir di habn^e vnd wie di genant ist. daz di red vnd der Chauff sta^et vnd vnuerchert beleib, dar vber gib ich egenanter Jorig von Volkchenstorf, mein erbn, dem Erwirdig^en herren hern Merten. apt zu Kremsmunster, vnd dem gotzhaws da selbs, den brif versigilt, mit meinem angehanngen Jnsigil vnd zu einer ganczen sicherhait vnd zeugnüzz, mit meiner liebn^e O^echaim, hern Weykharts, vnd Andres von Pollnhaim angehanngenn Jnsigilln, in vnd alln irn erbn an schaden. Gebn nach christi gepurd vber drewczehen hundert Jar dar nach in dem Newn vnd Sibenczkisten Jar an Suntag vor sant Stephanstag.

Source Fulltext: OÖUB 9 (Wien 1906) S. 669-670