Ich Hanns von Liechtenstain zu den zeiten des hochgeborn durchleuchtigen fürsten hertzog Albrechten ze Österreich etc. hofmaister vergich offenlich mit dem brif vmb di lehen des sitz benant ze Tuedech mit seiner zugehörung pei der Trawn gelegen in Weizkirchener pfarr, der von dem wirdigen gotzhaus ze Kremsmünster zu lehen ist vnd den ich von dem abbt vnd dem conuent daselbs ze lehen enphangen han, also das ich vnd mein erben dieselben lehen von dem abbt vnd dem conuent ze Kremsmünster vnd von dem gotzhaus daselbs hinfür zu rechtem manlehen haben vnd tragen sullen, ye wenn daz zu schulden chumt, als lehens vnd des lands ob der Ens rechten ist, vnd das auch wir die furbazz verleichen sulln vnd mugen den erben, di si yetz besiczent oder verrer, auch lehens vnd des landes ob der Ens recht ist vngeuerlich. Vnd des zu vrkund gib ich in den gegenburtign brief versigelt mit meinen anhangunden insigel vnd zu pesser sicherhait hab ich vleysiklich gepetn mein liebn brueder hern Herttneyden von Liechtenstain di zeyt hawptman in Steyr, das er der sach gezeug ist mit seinem anhangunden insigel. Der brief ist geben ze Pernstain an Eritag vor dem Phingstag in dem viervndnewnzigisten jar.

Source Fulltext: OÖUB 11 (Wien 1983) S. 289