C. In nomine Sancte et indiuidue trinitatis ruotpertus dei gratia uuirciburgensis episcopus. Notum sit omnibus christi fidelibus tam presentibus quam futuris, qualiter uenerabilis RUOTPERTUS Wirziburgensis episcopus ob remedium anime domni adelberonis episcopi suorumque parentum nec non et sue iure perpetuo ac potestativa manu tradidit in manum Sigiboldi abbatis presente Berone abbate solitariense id scribente delegandum vice sua ad altare sancte Marie et sancti Kyliani ac sociorum eius in lambahe omnes filios Beruuini clerici tam uiros quam feminas ea ratione, ut nullvs suorum successorum audeat hanc traditionem conuellere aut infringere. Acta sunt hec magontie, ubi rex Heinricus regni gubernacula in conuentu nobilium suscepit id annuentibus et consentientibus episcopi militibus ac seruientibus, scilicet Gozuuino camerario, Marcuuardo, Rukkero, Diemone, Volkkero, Heremanno, Hartmanno, Willone, Rihcpolto, Adelberto. Que si quis presumptor et in sua audatia confidens ista destruere presumpserit, dampnandum se pro certo sciat illa domini sententia dicentis: ligatis manibus eius et pedibus mittite evm in tenebras exteriores, ibi erit fletus et stridor dentium. (Auf der Außenseite folgender Text aus späterer Zeit:) Notum sit omnibus fidelibus tarn presentibvs quam futuris deposito BERONE conqvesti sunt Sigeboto prepositus et Wernhardus camerarivs de Eggeuuiba et de Deitsuuinda et de filiis earum adtrahere uolentes in potestatem sancti Kyliani, sed Marchio iusto iudicio stabiliuit eos in pristinum seruitium Sancte MARJE coram testibus, qui sunt Ernost, Hadamar, Berenger, Manegolt nobiles. Heinrihc, Sigeboto et frater eius Wernhart, Adelbertus, Ratbodo, Hugo, Rihcheri, Rihcger, Rudolf, Hauuart. Et firmiter in eodem iudicio sub hisdem testibus stabiliti sunt, Heirlunc et soror eius Ratburc cum omni posteritate eorum.

Source Fulltext: OÖUB 2 (Wien 1856) S. 126