In Nomine Domini amen. Ego Otto divina miseratione herbipolensis episcopus. Omnes redditus episcopales, qui adhuc non sunt obligati, subnotatos videlicet In Heidingesvelt Ad precaria XXX libras, Census officii XVI. libras, vini XXV. carratas; Randersake de precaria XX libras, vini vini X. carratas; Ahusen denariorum XX. libras, vini de precaria XXI. Carratas, de proprietate XX. Carratas, Siliginis VIII. maltra; Ossenvort de censibus XIII. uncias, vini V. carratas; Frikkenhusen de precaria XXX. libras, de censibus vij. libras iiij. uncias vini XXX. carratas; In advocatia Stephe XX. libras, tritici C. et XIIII. maltra; In Hüttenheim Censuum libram unam; In Windesheim denariorum XII. libras, Tritici CC. et II. maltra, Porci XXVII., precaria XXX. libras; In Berneheim et in Gessele precaria XXX. libras; In Heilichbrunnen de mansis XIII. marcas, de piscationibus V. libras hallensium, de villicatione XX. marcas, de precaria denariorum XXX. marcas, vini XXX. carratas, de proprietate vini XV. carratas, tritici, Spette, Siliginis, avene CL. maltra; Homburch de censu iiij. libras et dimidiam, frumenti C. maltra, vini XX. carratas; Karleburch de teloneo LX. libras denariorum, de Censibus X. libras, frumenti C. maltra, de precaria vini V. carratas, de proprietate vini XXX. carratas; Apud Seligenstat de censibus xiiij libras; Apud Eisleibe avene L. maltra, tritici XL. maltra, Siliginis LX. maltra, de octo mansis, quorum tres inculti sunt, quinque solvunt V. porcos, tritici V. maltra, Siliginis XV. maltra; Geltersheim per totum frumenti CC. L. maltra, porcos X. denariorum VIII. libras; Apud Ebern, Salzburch, Vachedorph, Mebiuhestat, Rochperch per totum denariorum CC. libras, frumenti CCC.L.VI. libras et alios, siqui sunt, pro mille et trecentis marcis argenti de predio Lambach a duce austrie habitis et pro ampliori summa, quam ab ipso forte recepturus sum, obligo confratribus meis majoris ecclesie et ipsis administrationem eorundem reddituum committo Exceptis obventionibus et lucris incertis, quae praeter ceteros redditus contingit aliquando provenire, et exceptis hijs, que michi ad expensas ab ipsis fuerint deputata, donec per ipsos tota predicte pecunie summa in integrum sit recepta et eosdem redditus pro posse meo tamquam in manibus meis eos haberem, protegam fideliter et defendam. Insuper nec illos nec alios redditus episcopales a festo S. Martini proximo ad tres annos vendam vel obligabo nec aliquo titulo alienabo nec concedam exceptis beneficiis ecclesiasticis, que michi libera reservo, et nisi forte aliqui ad Status mei mutationem vel diminutionem intenderint. Preterea nullam alienationem, que vulgo Dinge dicitur, circa barones terre vel alios faciam vel admittam, Exceptis ministerialibus ecclesie nostre, circa quos etiam capituli utor consilio vel eorum, qui michi ab ipso fuerint deputati; hec autem omnia, que predicta sunt, juro me bona fide, sine malo ingenio et dolo pro possibilitate mea fideliter servaturum, nisi forte hec vel aliqua istorum de consensu capituli vel maioris partis fuerint immutata. Promitto preterea bona fide, quod ad consilium fratrum vel eorum, qui ad hoc specialiter deputati fuerint, expensas et familiam temperabo. Datum Wirceburch VI. Kalend. Septembris, Indictione iiij. episcopatus mei anno X. Pontificatus Domini Honorii pape anno primo.

Source Fulltext: OÖUB 2 (Wien 1856) S. 584-586