Wir Reinprecht von Polhaym und Hertneid von Traun und Ott der ju^enger von Traun und Wernher von Polhaym vergehen offenlich an disem prif, dacz vns dacz chunt ist, und für di ganzen warhait wol gewizzen von den priefen, di wir gesehen vnd gehoret haben, daz dev chapelle dacz vnser vrowen ze wels, da di minnern pruder nu hauss haben, wol vor sechs und sechzig iaer dem gotshause ze Lambach mit allem recht bestettet und betaidinget ist vnd daz selbe reht hat apt Hainrich ze Lambach und deu Samnunge mit aller stete den minnern prudern gegeben und hat dasselbe reht Apt Sigmar und deu Samnunge ze Lambach an der stund mit ir prifen bestetet und geneuwet, desz sel wir der minnern pruder gezeug und geben des ze urchund disen prif mit unsern ynsigeln. Der prif ist gegeben ze wels, do von christes gepurd waren Tausend jar und dreuhundert jar und darnach in den ohten iar.

Source Fulltext: OÖUB 5 (Wien 1868) S. 13-14, Nr. 10