Wir Abt Sigmar vnd di gantz samvng ze Lambach Tven Chvnt allen den, di disen prief sehent oder lesen ho^ernt, daz wir mit wol bedahtem muet vnd mit guetem willen den Hof datz hoetenperig Chvnraten dem Gra^eusnicher vnd seiner hausvrowen vran Hilgarten haben vuerlihen nuer zv^e irn tagen; swen diˆ e genanten nimer sint, so schol der vor genant hof vnser aygen ledichlich sein als e vnd ist daz geschehen mit der beschaidenhait, daz der vor genant Chvnrat vnd vra hilgart sein hausvrowe ierlich an vnser vrowen tag zv der dienstzeit vns vnd vnserm chloster schvllen geben ein halb pfunt newer pfenning wienner minnze vnd niht anders. Wir offen auch daz, daz wir dem oft genanten Chvnrat vnd seiner hausvrowen, di e genant ist, haben gegeben aynes heren pfrunt ir idwederem vnez an seinem toed. Daz den vor genanten daz staet vnd vnverchert beleib, darvber geben wir in disen prief bestaet vnd versigelt mit vnserm vnd mit vnsers Conuentes ynsigel vnd di zeug, di hie verschriben sint: Her Rueder von Lichtenwinchel, her wernhart vnd Chvnrat von sant Jo^ergen, Helmbart der anhanger vnd ander biderber lav^et genueg. Der prief ist gegeben nach Christes gepurt vber drevzehen hundert iar, darnach in dem drevzehenten iar, an sant Philips tag.

Source Fulltext: OÖUB 5 (Wien 1868) S. 109-110, Nr. 107