Nos Sigmarus Dei gracia abbas totusque conuentus ecclesie Lambacensis presentibus profitemur, quod dominus noster Fridericus Serenissimus Rex Romnnorum et semper Augustus ob suorum progenitorum et suam apud dei clementiam salutem perpetuam obtinendam nobis nostroque Monasterio Centum libras denariorum wiennensis monete ad decem librarum redditus comparandos misericorditer est largitus condicione sub tali, vt Sacerdos numero nostre congregacionis et religiosis superadditus vnam Missam pro sua salute suorumque progenitorum cottidie celebret pro defunctis et quandocunque ipsum dominum nostrum Regem Romanorum de hac vita percepimus emigrasse, vigiliis, missis, oracionibus, refectionibus aliisque bonis sollempniter et deuote tamquam nostris fundatoribus ac pocioribus nobiscum sepultis singulis annis anniuersarium iuxta nostri monasterii conswetudinem peragamus. Nos vero abbas et conuentus memorati cenobij vnanimi consensv ac sincera deuocione astringimus ad omnia predicta et singula pro elemosina promerenda nobis per dominum nostrum Regem prelibatum deuotissimc condonatam, secundum quod nos pro hiis aliisque diuersis beneficiis nobis per ipsum impensis a deo redargui nolumus in extremis In cuius rei euidens testimonium presentes sibi literas dedimus nostrorum Sigillorum munimine roboratas Datum in Lambaco in die natiuitads beate virginis Anno domini MCCC decimo nono.

Source Fulltext: OÖUB 5 (Wien 1868) S. 249, Nr. 256