Fridericus Dei Gracia Romanorum Rex semper Augustus Vniuersis sacri Romani Itnperij fidelibus presentes litteras inspecturis graciam suam et omne bonum. Gratuin Deo et acceptabile arbilramur impendisse 'obsequium, durn Personis Religiosis diuino cultui laudabiliter insistentibus Elemosinarum munera impertimur, ex hoc enim ipsorum deuota crescit deuocio nobisque apud Deum meritum et apud homines clara fama. Hec siquidem attendentes Honorabilibus et Religiosis uiris ... Abbati et Conuentui Monasterij Lambacensis Ordinis sancti Benedicti deuotis nostris dilectis, qui sedulis suis oracionibus, puris Sacramentorum suffragiis aliisque operibus pietatis Creatori omnium seruiunt incessanter pro salute corporis et Anime nostre et pro remedio animarum Progenitorum nostrorum Centum libras denariorum Wiennensium modis et condicionibus infra scriptis elargimur jta uidelicet, ut predicti ... Abbas et Conuentus cum dicta Pecunia decem librarum redditus de possessionibus in terris nostris sitis emere teneantur, ad quod ipsis presentibus liberam tradimus potestatem. Debent eciam prefati ... Abbas et conuentus pro nostra ac Progenitorum nostrorum salute habere unam Missam specialem singulis diebus ab hac hora in antea et perpetuo. Et Sacerdos, qui eandem Missam celebrauerit, in vna pitancia pre ceteris debet cottidie reereari. Volumus eciam, vt vnum Sacerdotem, qui Missam eandem celebret vel quicunque ad ordinacionem Abbatis ad hoc deputatus fuerit, suis sacerdotibus conuentualibus racione huiusmodi Misse et nostre Elemosine superaddant, qui eandem Missam celebrare, vt premittitur, eottidie astringatur. Ordinauimus preterea et presentibus precipimus et volumus obseruari, vt cum dominus noster Jesus Christus nos de hac luce vucauerit, dicti ... Abbas et Conuentus diem nostri obitus et deinde singulis annis nostrum Anniuersarium Vigiliis, Oracionibus, Missis, refeccionibus et aliis iuxta Monasterij sui consuetudinem tanquam fundatorum suorum et maiorum inibi sepultorum anniuersaria peragere perpetuo teneantur. Et ne desidia vel negligencia aliqua, quod absit, huius Misse celebracionem negligi contingat, iniungimus dictis ... Abbati et Conuentui suis conscienciis ad hoc atstringentes eosdem, vt huius nostre elargicionis et ordinacionis tenor singulis annis saltim una vice in Cancellis et eciain in suo Capitulo publicetur. In cuius rei euidens testimonium presentes litteras conscribi et nostre maiestatis Sigillo iussimus communiri. Datum in Campis prope Welsam in die beate Virginis in Natiuitate. Anno domini Millesimo, Trecentesimo Decimo nono Regni vero nostri Anno quinto.

Source Fulltext: OÖUB 5 (Wien 1868) S. 248-249, Nr. 255