Sigmarus dei gratia totusque conventus ecclesie Lambacensis omnibus hanc literam inspecturis, presentibus profitemur, quod noster sacrista frater Chunradus dictus Syppech curiam in Chirichdorf pro xi libris per nos obligatam cum summa predicte pecunie redemit de nostra licencia et favore. Volentes igitur nobis remedium facere ob reverenciam dei et sanctorum et reddere vices devocioni prefati custodis de communi consilio et consensu memoratam curiam tradidimus sacristye omnibusque successoribus illam regentibus perpetuo possidendam. In cuius rei testimonium prenotato custode suisque posteris presentes literas dedimus nostrorum sigillorum munimire roboratas. Huius rei testes sunt: reverendus domnus domnus Fridericus abbas ecclesie in Chremsmunster cum omni suo collegio, deinde domnus Engelscalcus prelatus Glunicensis totumque capitulum monasterii pretaxati, domnus Gerlacus, decanus in Gazpolzhoven, domnus Symon plebanus in Vorichdorf, domnus Heinricus plebanus in Steinenchirchen, domnus Fridericus? plebanus in Petenpach, domnus Wolphgang plebanus in Witenspach cum aliis plurimis fide dignis. Acta sive scripta sunt hec anno domini m^o ccc^o xxi^o in octava Pasche et hoc in cenobio Lambacensi.

Source Fulltext: StiAL, Kopialbücher, HS 16, P. Augustin Rabensteiner OSB: Documenta monasterii Lambacensis Bd. I, ab anno 992-1415, S. 184, Nr. 168