In nomine Domini. Amen. Anno domini M° CCC° XXIIIJ secunda feria post Jnuocavit termino peremtorio in stupa curie nostre coram nobis Wichardo de Storchenberg, canonico Pataviensi, Archidiacono Lambacensi, Judice ad infra scripta per reverendum dominum nostrum Albertum dicte Pataviensis ecclesie venerabilem episcobum delegato et testibus infrascriptis comparuerunt in judicio Hugo plebanus de Gruenach actor ex vna et fr. Albero dictus Pleichobo procurator domini Griffonis abbatis ecclesie Lambacensis ordinis sancti Benedicti ex parte altera. Actor verbaliter dixit, quod curia dicta Holnstain sita juxta suam ecclesiam esset dos sue predicte ecclesie, quam dominus abbas de facto contra iusticiam occuparet et cum videret se probare non posse predicta, protestebatur sue ecclesie ius super dicta curia esse saluum et cessit liti renuncians cause predicte et petiuit intercedi pro ipso apud dominum abbatem, ut ipse dominus abbas dignaretur sibi dictam curiam iure personali precario locare pro censu annuo videlicet pro dimidia wien. den. sicut prius ab eo habuerat de gracia speciali. Procurator uero predictus respondit negans predictam curiam ad actoris ecclesiam tanquam dotem pertinere et dixit eam sui monasterii esse liberam et solutam allegans possessionem super eam pacificam tanti temporis, cuius amplius memoria non existit. Item protestatus de cessione litis actoris et cause renunciacione similiter de iure sui monasterii super eadem curia protestando (!) et promisit, quod ea diligencia qua posset apud dictum dominum Abbatem vellet pro actore intercedere pro predicta locacione curie supradicte, dummodo ad censum predictum statutis terminis tribunali inscriptis se sub pena aliqua obligaret. Deinde domino Hugone predicto petente et penis subscriptis sponte se submittente. Nos sedentes pro tribunali inscriptis ex nunc prout ex tunc in ipsum Hugonem sentencias suspensionis ingressus ecclesie tulimus, ut quandocunque aut quotiescunque in octaua beati Martini de predicta curia, si sibi locabitur, dimidiam den. wien. non dederit domino abbati predicti monasterij, idem Hugo usque ad satisfaccionem plenam illico ab ingressu ecclesie sit suspensus. Hec acta sunt Patauie anno die et loco predictis presentibus honorabilibus viris domino Wolfkero de Aistersheim, scolastico, et domino Gerhoho de Radeck, canonico Pataviensis ecclesie, Magistris, Bertoldo rectore scolarium ibidem et alijs pluribus fide dignis. Quare reverende pater et domine abbas, nos iudex et testes predicti suppliciter pro eo petimus, quatenus cum racionabilis sit predicta peticio per vexacionis redempcionem et propter Deum peticionem nostram et dicti Hugonis sine difficultate pro locacione prescripta sub predictis penis et condicionibus admittatis. Jn Signum et testimonium predictorum omnium nos Wichardus et Wolfkerus predieti nostra sigilla appendimus huic carte.

Source Fulltext: OÖUB 6 (Wien 1872) S. 628ff., Nr. 70 (Anhang)