Wir Albrecht von Gotes genaden herczog ze O^esterreich, ze Steir vnd ze Kernden embieten vnnserm getrewn lieben Eberharten von Walssee von Lynntz vnnser gnad vnd alles gut. vmb den pu/erkchfrid vnd die hewser, der sich der Winkchle^ar vnd der Rauchenstainer datz Gmunden vnnderwunden habent, vnd die doch vns zugeho^ernt, emphelhen wir dir ernstleich vnd wellen, das du gen Gmunden reitest vnd die burger vnd die vmbse^assen daselbs darumb gegen jn verho^erest von vnnsern wegen, vnd wie die jechent, das es von altter herho^emen sej, soltu schaffen, das es dabej beleib. Du solt auch verpieten haissen, das man in dem dorffe ze Gmunden bej der prugk kain wanndlung habe, die vnnsrer stat schedleich sej, des wellen wir nicht geraten. Der brief ist geben ze Wienn an sannd Symons vnd sannd Judas abent.