Ich Gottfridt der Pernauer vnnd mein hausfraw wie die genandt ist vnd all vnser erben wir bekhennen offenwar mit dissen gegenwu^ertigen brief vmb die vischwaydt, die vns der ersam herr abbt Vlrich zu den zeiten herr vnd pfleger des gottshauss zu Lambach mit des conuents willen vnd wart gelihen hat zu einem rechten leibgeding also, das ich vorgenanter Gottfridt der Pernauer vnd mein hausfraw wie die genant ist, dieselben vischwaydt sollen haben wier zu vnsern bayden tägen, vnd nach vnser bayder tod sol sie vallen auf Vlrich den Pernauer meinen brueder, der sol si dann haben auch nur zu seinen tägen, vnnd nach seinem tod so soll die vorgenandt vischwaydt des yorgenanten gotshavss zu Lambach ledige vischwaydt sein ohne allen khrieg vnnd ohne alle irrung von allen vnsern erben vnnd nachkunfft. Vnnd dieselb vischwaydt hebt sich an datz der Hochstetten dacz Fluchtwangs da der prun in die Trawn rinet, vnud wert nach bayder gestaden hinab jn der Trawn vnncz in die Lintlein die da ligt gleich vber da des Mayrs veld zu Dickhöckh abget bey der müll, vnnd so^ellen auch wier jch vorgenanter Gottfrid der Pernauer vnnd mein hausfraw oder mein brueder Vlrich ob er vnns bayde vberlebt, allen vnsern frumen schaffen mit steckwaydt jn der vorgenanten vischwaydt von ainem march hintz dem andern als der brief sagt vnnd nicht fürbass, den mit dem fo^ederangl sollen wier varen wenn wier wellen vncz hinder der Alben vnnd nicht fürbass. Vnnd das die redt steht garmcz vnnd vnzerbrochen beleib, darvber gib ich vorgenanter Gottfridt der Pernawer dem obgenanten gottshaus disen brief versigelt mit der erbaren ritter herrn Vlrichs von Anhang herrn Perychtrams des Perechams zu den zeiten pfleger des landtgerichts ob der Enns herrn Vlrichs des Go^erger vnnd mit mein selbs anhangenden insigl, vnnd des vorgenanten ritter der sach ta^eding seindt gewessen. Vnnd zu ainer pesern sicherhaydt verpint ich mich vorgenanter Vlrich der Pernawer alle die tading die vor geschriben stehent sta^ets zu halten mit meinen trewen vnnd bestettige auch das mit meinem anhangenden insigl. Datum anno domini M. ccc. Lx.

Source Fulltext: OÖUB 7 (Wien 1876) S. 732f., Nr. 730