Wier Jans von Gotes gnaden abpt ze Lambach und der garicz conventt daselben wier verjehen offenbar mit dem gegenbürtigen prief, daz uns unser lieber getrewer dyner Häinreich der Späner di zeit unser chelner dem Got gnade durch seiner sei willen acht pfunt wienner phenning geschafft und gegeben hat in di oblay, div selben acht pfunt haben wir geleit auf daz Ny der gut ze ObernPauchenläch mit solicher bcschaidenhait, daz Avir alle jar dem vorgenanten Hainreichen dem Spener seinen jartag in unserm gotzhaws mit vigili und mit messen als gewandlich und sittlich ist in andern chlostern sullen hegen umb sand Gilgen tag vor ains tags oder zwair oder hinnach. Teten wir des nicht so sullen div nächsten seinev freund alle weg den prief inne haben und sullen uns mit dem prief maneu und schallen auch daz vorgenande gut do wier div acht pfunt haben aufgeleit ze ainem rechten satze und ze ainem pfant inne haben an alle ierrung mit allen nutzen uucz als lang, daz wier in div obgenanten acht pfunt phenning geben in ier nutze und in ier gewer gancz und gar, do sie ierem freund anderswo wo si wellen ain selgereth mit stiften nach ier selben willen. Das bestetigen wir in mit dem gegenbu^ertigen prief versigelten mit unsern anhangunden insigelen, daz geschehen ist nach Christ pu^eert uber drewtzehen hundert jar darnach in dem ain und sechtzigisten jar an sand Merteins tag.

Source Fulltext: OÖUB 8 (Wien 1883) S. 49f., Nr. 47