WIR Albrecht von Gottes genaden Hertzog ze Österreich, ze Steyr, ze Kärndten vnnd ze Crain, Graff ze Tyrol Empieten den Erbern, vnnsern lieben Andechtigen ~~ den Abbten ze Krembßmünster vnd ze Lambach vnnßer gnad vnnd alles gut. Wir empfelhen Ew vnd wellen gar ernstlich, Swene Ew vnnser getrewer ~~ der Richter von welß von vnnsern wegen vorder vnd anrüeffe vmb hilffe zw dem paw des grabens daselbs zw welß, das jr jme dann Ewr leüth vnnd gepaurn dahin schicket, das die mit sambt vnnsern leuthen ze welß geholffen sein, das der obgenannt graben gepawet vnd widerbracht werde, als das notturftig ist. Daran thuet jr vnns ainen sonderlieben dienst. Geben ze wienn an allerheiligen tag Anno etc: LXXVI. Dominus dux per C. notarium camere.

Source Fulltext: OÖUB 9 (Wien 1906) S. 155