Albertus dei et apostolice sedis gracia Episcopus patauiensis. Venerabili et dilectis nobis in christo Nicolao Abbati Monasterij in Gersten ordinis sancti Benedicti et Johanni rectori parrochialis ecclesie in Gmunden . ad presens Decano Lambacensi nostre dyocesis. Salutem in domino et debitam diligenciam in subscriptis. Et si affatim cunctos nobis subiectos . in pacis tranquillitate et caritate mutua optemus viuere, precipue tarnen religiosos vitam ducentes monasticam in vnione vere fraternitatis stare volumus et desideramus, sane, Cum inter venerabilem in christo Abbatem Monasterij Lambacensis ordinis et dyocesis huiusmodi, et quosdam de conuentu . iam dicti sui monasterij Lambacensis, parte ex altera, satore cunctorum malorum procurante grauis et intolerabilis dissensionis materia sit suborta, Sed quia inquisicioni et correccioni dissensionis huiusmodi aliis arduis et ineuitabilibus nostris et nostre Patauiensis ecclesie prepediti negocijs, ad presens ipsi intendere non possumus, ut vellemus, Quare deuocioni et circumspeccioni vestris in uirtute sancte obediencie precepimus firmiter et districte, quatenus2) dictum monasterium Lambacensem, semota dilacione qualibet personaliter accedentes et ibidem in et super premissis diligencius inquirentes, ea, que ex eadem inquisicione vestra, correccione et emendacione digna reperta fuerint, vice et auctoritate nostris corrigatis et emendatis, nec non culpabiles et rebelles, iuxta modum culpe et excessum regulari censura percelletis, non parcendo rebellibus ob suam pertinaciam, vel potenciam amicorum, quin excessus ipsos animaduersione puniatur debita, et taliter, quod alii a similibus de cetero retrahantur. Datum Wienne die . XXIIII. mensis februarii. Anno domini M°. CCC°. LXXVII°