Ich Hanns von Wolfstain ritter an des zeit lantrichter zu Sultzbach bekenn offenlichen mit den brieff, daz fur mich kom in geriecht auf [...]awe Kathrey, Jacob dez Rewters wirtin und clagt mit fursprechen ir vierde clag auf allez, daz Jorg vom Preytenstain zu Stainbach [...] der lantschrann zu Sultzbach ligend hat, ez sey erb oder aygen, lehen, liegend oder varend hab, besucht oder unbesucht, wie daz all[...] darumb daz derselbe Jorg von Preytenstain, Linhart Henffenvelders seligen kind vermund sey und ir hab ynnen hab und der [...] man Jacob Rewter versetzt und hab in nicht gelost alz er im gehaiszen hab und darumb so hab er ainen hengst verlaist auf den [...] sey dann viertzig guldein und denselben hengst woll der vorgnant Jorg von Preytenstain und dez Henffenvelders kinder irem man Jacob [...]velders hab nicht gelten noch widergeben und alz ir von anclag vorher furpfant erteilt und geben waren worden mit dem rechtn auz den [...] der gesworn lantpot vor offem lantgericht offenlichen und zu rechter zeit aufpot, ob die yemant auznemen oder verantwurten wolt also kom[...] verantwurtet oder die furpfant auzneme und het auch von anclag vorher nye nyemant verantwurt, und da daz lantgericht aufstund do p[...] ainer urteil zu fragen seindenmalen und sie alle ir clag mit dem rechten recht und redlichen erfollt und erclagt het alz dez lantgericht recht ist [...] obgeschriben vierczig gulden, waz nu recht wer. Do wart erteilt mit gemeiner urteil seinddenmalen und man mutwilliclichen erfollen het [...] die obgeschriben viertzig gulden daz furbaz keinerlay lawgen mer gehorn solt noch enmocht fur die egeschriben viertzig gulden und man sol an [...] und seinen erben pfancz beholfen sein von den obgenanten guten und sol in auch die obgenanten gut einantwurten und untertenig tun von geriech[t ...] haben nutzen und nieszen alz lang piz sie der obgenanten viertzig gulden beriecht und betzalt seint worden gar und genczlichen und sullen und m[...] gut von nutz und gewer verantwurten mit craft ditz briefs. Wer auch, daz sie die obgenanten gut, die in von geriechts wegen eingeantwurt s[...] oder verkauften oder wer den brieff mit dez vorgenanten Jacob Rewters oder seiner erben guten willen und wort ynnen hat zaigt oder furbringt, dem sol[...] allez dez beholfen sein alz in selber. Dartzu sullen sie aller meiner herren amptlewt und diener, die yetzunt seint oder in kunftigen zeiten amptl[ewt ...] stet, vest und merckt in meiner herren herscheften gelegen, schutzen und schirmen, wo, wenn oder von wem in sein not geschiecht und wer in d[...] die haben daran nicht getan noch gefrevelt gen kainem geriecht noch gen nyemant, daz sie weder peszern noch puszen sullen. Mit urkund ditz [...] von geriecht und besigelt mit dez lantgeriechts zu Sultzbach anhangenden insigel nach Cristi gepurt drewczehenhundert jar und in dem ne[...] dez nechsten mitwochen vor dem heiligen pfingstag.

Source Fulltext: StiAL, Kopialbücher, HS 16, P. Augustin Rabensteiner OSB: Documenta monasterii Lambacensis Bd. I, ab anno 992-1415, S. 403-405, Nr. 346