Ich Vlreich Asenhaimer vergich vnd tun kunt offenbar mit dem briff allen, den er fürpracht wirt, das mir chunt vnd gewissen ist, das die guter ze Nidern Entarn, ze Roswankch, ze Haslech vnd ze Puchleiten, darumb der erwirdig geistleich herr abbt Symon ze Lambach an ainem tail Chunrad von Erphenhofen, Wernhart Lasser ze Roswank, Chunrad Fokkel von Entarn, der Vormair von Altenhofen, Ott von Altenhofen, Peter ze Haslech, Wernhart vnd Chunrad daselbs, Hanns Welkleins pruder an dem Hoff vnd Nicla Sneider an dem andern tail stossig sind, das dieselben gueter ze dem Kloster Lambach gehorent hab auch die vorgnanten lewt, die auff den vorgnanten gütern gesessen sind, allweg für Lambecher gahabt, das sprich ich pey meinen trewen. Mit vrchunt des briffs versigelt mit meinem auffgedruckten insigel geben nach Christi gepurt drewtzehenhundert iar darnach in dem newn vnd newnczigistem jar an sand Luceintag.

Source Fulltext: OÖUB 11 (Wien 1983) S. 879