Ich Hanns Huernbechk, mein hawsfraw Ann, und all unser erben vergehen und tu^en chund offenbar mit dem bri^ef allen den die in sechent, hornt oder lesent, das wir uns recht und redlichen verzigen haben aller der hab, die Fridrich Affenanger selig, dem Got genad, und Katrey sein hawsfraw lazzen hat, wie die genant ist angefer, daz wir hin für ich, noch mein hawsfraw, noch unser erben chain zuespruch nicht haben noch gewingen schullen, weder mit recht noch an recht, geistlich noch weltlich angefer, wazz wir dawider sprechen, iz wer mit recht oder an recht, das hat chain chrafft nicht, das habent sy an aller stat pehapt, und wir verlarn, iz wer dann ob uns und unsern erben der tad icht geb von wem daz wer, der verzeichen wir uns nicht. Das in die red sta^et und unverchert peleib, dar uber geben wir in den offen bri^ef, fur sigelt mit meinem anhangunden insigel, und zu ainer merern sicherhait und pezewgnus vesigelt mit der erbern weisen anhangunden insigel Wolffgang von Rarbach, die zeit vogt zu Wels, und Hanssen dez Anhanger von Hueb mit ir paider anhangunden insigel, das si paid andem bri^ef gehanngen habent zu zewg und durich unser vleizzig pet willen in und allen ir paider erben an schaden und auch unngolten der vogtay an allen irn rechten. Geben nach Christi gepurd vierzehen hundert jar, dar nach in dem ersten jar an der heiligen dreyer chunig dag.

Source Fulltext: StiAL, Kopialbücher, HS 16, P. Augustin Rabensteiner OSB: Documenta monasterii Lambacensis Bd. I, ab anno 992-1415, S. 498f, Nr. 419