Dem erwirdigen gaystleichen meim lieben genadigen herren herren Simon apbt ze Lambach enpewt ich Anna dy Haywekchin mein willigen underta^enigen di^enst umb den sacz auf dem gu^et an dem Lerbu^echel und auf dem haws, gelegen cze Lambach, dij von ewern genaden cze lechen sind und mir verseczt sind von meim saligen wirt Micheln dem Lerboler, dem got genaed, fur sechsczig phund phening, alz wir daz ewer gena^ed westa^et hat mit ewerm wriff, pit ich vleischleich, daz ir daz gu^et und haws meim liben wi^ert Jorigen dem Haywekchen mit sampt mi^er und unserm erben verleicht und westa^et umb dy verschriben sechksczig phund phening, daz wil mein wi^ert mit sampt mi^er umb ewer genaden gern verdienen, daz ist mein gu^ettleich wil und fleissig pet, wesigelt mit der erbern weisen Gerwarcz dez Chlee, purkchman czu Halstat, und Niclas Yerrenseaer purger da selbs, paden auf gedrukchen insigel, dar under ich mich vorgenantew Anna dy Haywekchin verpintt allez daz sta^et cze halten, daz an dem wriff geschriben stet, in und i^er paider erben an schaden, geschriben cze Halstat dez suntags vor dem Suniwentag anno domini quadringendesimo tercio.

Source Fulltext: StiAL, Kopialbücher, HS 16, P. Augustin Rabensteiner OSB: Documenta monasterii Lambacensis Bd. I, ab anno 992-1415, S. 528f, Nr. 442