Ich Sigmund der Scha^ewl, Benedicten des Scha^ewls saligen su^en, und ich Dorothe, Vo^ekleins des Perkchaymer eliche hausfraw, und ich Margreth, Friderichs des Reynperger eeleiche hausfraw geswistre^ed; paid. Ru^edleins des Hohenvelder saligen ta^echter mit sambt uns allew unnser erben vergechen unverschaidenleich miteinnander mit dem gegenburttigen brieff, und tuen kund allen, den er fu^erpracht wirt, dy in sehent, hornt oder lesent, das uns unser genadiger herre abbt Symon ze Lambach mit verainttem ratt seins conventz des selbigen gotzhaus verlihen haben ze ainem rechten erbrecht das Niderguet ze Ru^edensdorff und was dar zu gehortt, versuecht oder unversuecht, wie das genant ist nichtz ausgenomen mit solicher beschaidenhait, das wir und all unnser erben dem benanten gotshaus ze Lambach von dem selbigen guet alle jar jarleich raichen und diennen sullen an unnser frawn tag zer dinstzeitt funff und vierczigk alter Wienner phenning und annders nichtz, und wann wir den dinst in zu rechten tagen nicht raichen noch geben, so sullen wanndel dar auff geen cze drein virczehen tagen inner vierczehen tagen sechtzigk Wienner phening, und wann wir oder unnser erben sew des dinsts und der wanndel ze hannt nach den dreyn vierczehen tagen nicht richten, so schall sich das egenant guet ledigkleich vervallen haben dem vorgananten gotzhaus ze Lambach an allen chrieg und an alle wider red unnser und aller unnser erben. Das das ste^et und unzebrochen beleib, dar uber geb wir in den offen brieff versigelten mit unnser paider obgenannt wirdt Vo^ekleins des Perikchaymer und Fridreich des Reinperger, baider anhangunden insiglen, und dar zu mit des erbern Chunrat des Scha^ewls, meins obgenannt Sigmundes des Scha^ewls ve^etter anhangunden insigel, der das durich meiner vleissigen pett will cze zeugnuss an meiner stat an den brieff gehanngen hat, dar unnder ich mich verpinde alles das ste^et ze^e haben, das in dem brieff ste^et, wenn ich dy^e weil kain insigel nicht enhe^ett und auch im und all sein erben anschaden. Der brieff ist geben nach Cristi gepurd m^o cccc^o darnach in dem dritten jar des nagsten mitichen nach sannd Georigen tag.

Source Fulltext: StiAL, Kopialbücher, HS 16, P. Augustin Rabensteiner OSB: Documenta monasterii Lambacensis Bd. I, ab anno 992-1415, S. 527f, Nr. 441