Ich Thoman der Vischer ze Waydhawsen, mein hawsfrau Kunigund und mit sambt uns all unser eriben verichen^a) offenlich mit dem gegenburtigen brieff und tun kunt allen den, di in sehent ho^ernt oder lesent, das uns der erwirdig geystlich herr abbt Symon abbt ze Lambach mit veraintem rat seins convencz verlihen hat ze ainem rechtem eribrecht die wisen auf der Wenng, gelegen in der Aw czwischen Nyclas des Fleischakker wis und oben awser an den weg und unczt auf die La^en und nicht verre^ar, di^e wir mit i^erem guetleichen willen, so si^e uns erlawt und gunnet habent aws ze rey^etten von gruenem stokk ze machen ze wizmat, die gelegen ist auf des goczhaws gru^enden ze Lambach und gehort in das ambt des forst^es mit der weschaiden, das wi^er in die abbtey, wer abbt ist ze Lambach, ja^erleichen raichen und dienn schullen von der benanten wisen, wi^er und unser eriben und nachko^emen, an unser frawn tag ze der dinstzeit ain halbs phunt Wienner phening und nicht mer, und wie wi^er in den di^enst cze rechten ta^egen und dinstzeit nicht raichten noch geben, so schullen wanndel dar auf gen cze dreyn vi^erczehen tagen immer virczehen tag sechczkch Wienner phening, und wie wi^er oder unser eriben und nachkomen des di^enstes und der wanndel ze hannt nach den dreyn vi^erczehen tagen nicht raichten noch geben, so habent sich allew unsrew rechten an der egenanten wisen verfallen dem obgenanten goczhaws ze Lambach an allen krieg und wider rede unser und aller unser eriben und nachkomen an alles geva^er. Wi^er offen auch, das wi^er uns in der wisen nicht verre^ar weyten schullen uber die obverschriben marick weder mit aws stokken noch mit aws reytten in chainer lay weis an i^eren gueten willen, und wo wi^er des mit ainer warhait uber varn wurden, so habent sich auch dem obgenanten goczhaws alle unser rechten vervallen, und ist die wis dann i^er ledige freye wis an alles geva^er. Wi^er schullen auch chain wanndlung damit haben weder mit verseczen noch mit verkauffen an i^er hannt und guetleichen willen: dar uber geb wi^er in den brieff versigelten mit der erbern Hannsen des Schernhaymer und Chunracz des Awoldinger payder anhangunden insigeln in payden und i^eren eriben an schaden, di wi^er mit vleizz dar umb gebeten haben und uns dar under verpinten und mit sambt all unser eriben und nachkomen mit unsern trewn an aydes stat ste^et ze haben und geschriben stet an dem brieff, der geben ist am freytag vor dem heyling prehen tag, du man zalt von Chisti gepu^erd virczehen hundert jar dar nach in dem vi^erden jare.1

Source Fulltext: StiAL, Kopialbücher, HS 16, P. Augustin Rabensteiner OSB: Documenta monasterii Lambacensis Bd. I, ab anno 992-1415, S. 531f, Nr. 444