Ich Hadmar von Astersheim, tuemherr ze Passaw^e, und ich Mathes Granns sein swager, wir vergehen o^effenlich mit dem offen prief allen den, so er furchu^embt umb die sto^eez und chrieg, so der erwerdig geistleich her abbt Symon ze Lambach ains tails, und unser lieber pruder und sweher Hainreich der Astersheimer, sa^eliger gedechtnu^es des andern tails mit einander gehabt haben von eyns guts wegen gelegen ze Weibarn, da der Stewdel auf gesessen ist. Nu hat uns der erwirdig vorgeschribner abbt nach unsers lieben prueder und sweher sa^eligen to^ed und abganngk redleich geweiset und gejnnert, das wir fu^erbaz gegen demselben obgenanten gut und dem egemelten man darauf noch nymands von unsern wegen nichts mer zesprechen sullen noch wellen haben angever und a^ewssern uns des auch mit dem gegenburtigen prief, den wir im und seinem obgnanten gotshaus darumb geben, besigelt mit unser paider anhangunden insigeln. Geben nach Christi gepurt viertzehenhundert jar, darnach in dem virden jar des mitichen vor sand Cholmanstag.

Source Fulltext: StiAL, Kopialbücher, HS 16, P. Augustin Rabensteiner OSB: Documenta monasterii Lambacensis Bd. I, ab anno 992-1415, S. 546, Nr. 453