Erwirdiger und gnediger herr, mein willig dinst vor. Es kumbt zw ewrn gnaden der gegnwurttig Bernhart Paltinger, weiser des brieves, gerhab und innhaber seiner enenkel Hainreichs des Wagenleitter seligen kinder, bitt ich ewr gnad mit allem vleiss, das ir im an stat derselben seiner enenkel guetlich verleihen wellet, als der benannt n. Wagenleitter von ew zw lehen gehebt hat. Das wil ich umb ewr gnad gern verdienn, und wenn ich diezeit aigens sigels nicht enhab, hab ich mit vleiss gepeten den erbern weisen Otten den Wechsler, burger ze Wels, das der sein sigel auf dem brief gedrugkt hat, im und seinen erben an schaden. Geben ze Wels an sambstag vor sand Veits tag anno domini etc. undecimo.

Dietreich Hawnolt diezeit||
verbeser des grichts ze Wels

Source Fulltext: StiAL, Kopialbücher, HS 16, P. Augustin Rabensteiner OSB: Documenta monasterii Lambacensis Bd. I, ab anno 992-1415, S. 680f, Nr. 544