Ich Hanns Chienperger, meins herren dienner von Seytensteten, bechenn mit dem brief und lazz ewer gnad auch wissen von des guts wegen in der Grunach datz siben wierten, das ich von ewrn gnaden und ewrm gotzhaws ze Lambach ze lehen han gehabt untzt her auf die zeit. Nu hat es swager Weigel Grabner und Chunrad Chienperger verchaufft, pitt ich ewer gnad, daz ier das vorbenant gut wellet leihen, wem irs durch recht leihen schuellt, daz ist gentzleich mein will und wort und ir furbas und daz benant gotzhaws chainen, zuspruch von mir nicht haben. Mit urchundt des briefs, den ich ew sent von der obgenanten lehenschafft wegen und gib ewchs auch auf wissentleich mit dem brief, der besigelt ist mit des erbern Hannsen von Aw aufgedruchktem insigel, der daz darauf gedruchkt hat durch meiner vleizzigen pet willen, im und seinen eriben an schaden, der geben ist nach Christi gepurt in dem viertzehenhundertisten jar und darnach in dem zwelften jar des phintztags nach dem heiligen phingstag.

Source Fulltext: StiAL, Kopialbücher, HS 16, P. Augustin Rabensteiner OSB: Documenta monasterii Lambacensis Bd. I, ab anno 992-1415, S. 699, Nr. 556