Dem erwirding geystleichen meinem genadigen herrn abbt Jacoben zu Lambach enbeut ich Nycla Plachner, burger zu Wels, meinen gehorsamen dinst. Ich und mein vetter Stephan Mulner haben ainen akker von ewch und ewrm goczhaws, gelegen oben zu nagst an des Siechoff veld in Welsser pharr, und habt ir mir ain gelihen meinem vettern an schaden. Nu hab ich meinen tayl des selben akker verkaufft Hansen dem Hochenfelss, burger zu Wels, und gib ewrn gnaden den auff mit dem offen brieff, und pitt ewr wirdichait umb ewr sigel ym an meinen gewer brieff, das ir ym den gebt, das ist gueter mein will und wil es gern hin umb ewr gnad verdienn. Zu urkunt des offen briefs mit des erbern Wolffkangen des Roter, burger zu Wels, auff gedrukchten sigel, ym und seinen eriben an schaden, den ich mit vleizz dar umb gepeten hab, und mich und mit sambt mein eriben uns darunder verpinten mit unsern trewen stet zu haben und geschriben an dem brieff, geben am freytag vor Letare anno etc xvii^mo.

Source Fulltext: StiAL, Kopialbücher, HS 17, P. Augustin Rabensteiner OSB: Documenta monasterii Lambacensis Bd. II, ab anno 1416-1443, S. 30, Nr. 623