Ich Ursula, Ulrichs des Lawtleins saligen tochter, purgerin ze Wels, ich enpewt meinem genadigen hern herren Jacoben, abpt ze Lambach, mein willig dienst, pitt ewr genad, daz ir meinen vettern Wolfgangen, der alten Ygelmairin aydem und sein erben allen mein eribtail, den ich gehabt hab an der mull ze Wintpossing und an der wis mit aller irer zwgehorung verleiche und tuet ym dar uber stat mit ewrm prief, daz ist mein gutleich will und wort, und dez ze urchundt, so gib ich den offen prieff, versigelt mit des erbern Wolfgang des Churcz, ainer des ratz ze Wels, und purger daselbz aygen aufgedrukchtem insigel, den ich mit fleizz darumb gepeten hab, ym und allen sein erben an schaden, dar under ich mich verpint mein trewn an aydes stat under daz insigel allez daz war und stat ze haben und geschriben stet an dem prief, geben dez sampstags in der chottemer vor sand Michels tag anno domini etc. xvii^mo

Source Fulltext: StiAL, Kopialbücher, HS 17, P. Augustin Rabensteiner OSB: Documenta monasterii Lambacensis Bd. II, ab anno 1416-1443, S. 37, Nr. 629