Dem erwirdigen, meinem lieben herren hern Jacoben, abtt ze Lambach, embeut ich Katrey die Hawnoltinn, Niclas des Habermair seligen tochter, mein willig dienst. Ich tun ewr wirdikait ze wissen von wegen der wisen, gelegen ze Pach pey dem Grunpach, dew mein sacz ist gewesen von meinen vettern Hannsen und Sigmunden den Meczen, und dew ich von ewrn gnaden ze lehen enphangen und gehebt han, dew selben wysen habent Mathes Rechwanger und Anna Hersingerinn, sein swester, von den benanten meinen vettern und mir erloset, und sentt ewrn gnaden dew lehen auf mit dem gegenwurtigen prief und pitt ewr gnad, das ir dew geruchet ze leichen dem obgemelten Mathesen Rechwanger und seiner swester, das wil ich umb ewr gnad gern verdienn. Ze urkund under des erbern weisen Hainreichs des Pogner, purger ze Wells aufgedrukchtem insigel, im und sein erben an schaden. Geben an suntag vor sand Larenczen tag anno etc. cccc septimo decimo etc.

Source Fulltext: StiAL, Kopialbücher, HS 17, P. Augustin Rabensteiner OSB: Documenta monasterii Lambacensis Bd. II, ab anno 1416-1443, S. 36f, Nr. 628