[Hu]milimas preces ad patrem luminum cum diligenti affeccione servitutis. Erwirdiger gnadiger lieber herr. Ich sikch ew bey dem [geg]enwurtigen meinem knecht ain jungen unnydergerichten hunde und damit drew jagunde hunde alles ains guten gedings, und ewr gnad bitt gevellikchlich von mir aufzenemen, wann in ander waydmanschaftt ew gern ain gevallen hiet erczaiget. Nu ist bey uns umb die Ennss und auch andere vischwasser von snegues und andere sachen in solher trueb, daran mich ewr gnad unvermerkchten hab, doch die Trawn so verstechlich ist ewr gnad nicht verlasse, davon ewr gnad mein gehorsam wol mag vernemen sunderlic[h ...]gern hievor bey ew mag ich des urlaub mit nicht gehaben, alain ewr gnad [...] darinne mue und meinem gnadigen herren schreiben wellet, wie ir mein [...] sachen. bedurffund seyt und mir ain vierzehen tag ain urlaub gebe bey bey ew ze sein, und das das also beschech nach dem suntag nach ostern nach Misericordia Domini, zu dersellen zeit mir das am fuglichisten ist, und ewr gnad bitt mich ew welle lassen bephelhen sein, das ich auch hiencz Got andachtikchlichen und gehorsamlichen gern verdienn wil. Datum in monasterio Admontensi feria quinta ante Letare anno vigesimoseptimo.

Vester hum[illimus] frater Johannes Pawr c[...]rius monasterii Admontensis.